Шинэ мэдээ



Ази тивийн цээжинд Анхны төрт улс Хүннү гүрэн байгуулагдсаны 2222 жилийн ойд зориулан Үндэсний дуу бүжгийн эрдмийн чуулгын хамт олон “САЛХИНЫ ДУУЛЬ” уран бүтээлээ 2013 оны 02 дугаар сарын 01,02,03-ны өдрүүдэд үзэгч түмэндээ толилуулсан билээ.

Энэхүү ”Салхины дууль” уран бүтээлийн зорилго нь өнөө үеийн монголчууд бидэнд дөнгөж судлагдаж оньс мэт сонин, таавар мэт хүчирхэг гүрэн улсыг байгуулж байсан өвөг дээдэс “Хүн” улсын дуу хуур, бүжиг магтаал, туульс, уртын дууг бидэнд олдсон биет өвийн үндэс сууринаас ургуулан бүтээхэд оршсон бөгөөд бид ч хангалттай судалгаа шинжилгээний үр дүнд энэхүү концертоо өргөн барисан юм.

Нэгэн зүйл: Монгол улсын ерөнхийлөгч Ц.Элбэгдоржийн ард түмэндээ хандаж хэлсэн шинэ жилийн мэндчилгээндээ онцгойлон тэмдэглэснээр 2013 он Төрт улс- Хүннү гүрэн байгуулагдсан дөрвөн хоёр давхцсан тэгш тоотой тэмдэглэлт баярыг өргөн дэлгэр тэмдэглэх явдал болно.

Нэгэн зүйл: НТӨ 209- НТ 1-р зууны хооронд амьдарч байсан өвөг дээдэс Хүн гүрний урлагийн бүтээлийг туурвиснаар монголчуудын соёл урлагийн түүхийг даруй 2200-3000 жилээр урагшлуулах боломжтой.Их монгол улсын 800 жилийн үеийн урлагийн бүтээлийг /уртын дуу, бүжиг, хөгжим/ сэргээж чадсан шиг үйл явдал болно.

Нэгэн зүйл. НТӨ-х 3-р зуунд зохиогдон өнөө үеийн бидэнд хадгалагдан ирсэн нь үл мэдэгдэх хүн гүрний яруу найрагчдын “Хүйтэн салхи” “Ахын дуу ”, “Умрын чоно” шүлгүүдээр дуу зохигдоно.

Нэгэн зүйл. НТ 1-р зууны үед амьдарч байсан яруу найрагчийн бичиж үлдээсэн эсгий туургатан өвөг дээдсийн амьдран байсан гэрийг гайхалтайгаар магтан дуулсан “Гэрийн магтаал ” шүлэг магтаал болгон амьдарна.

Нэгэн зүйл. Монголчуудын үеийн үед тахиж ирсэн шувууны бүжиг хийгдснээр бид уг шувууг 3000 жилийн өмнөөс шүтэн билэгдлээ болгож ирснийг үзүүлэх болно.

Нэгэн зүйл. Хан гүрний шаштир түүх, хаадын сурвалж бичигт олонтоо тэмдэглэгдэн үлдсэн хүн гүрний үеийн гиншил /уртын дуу/, магтаал туульс, цоор, ятга, хуур,чулуун болон модон төрлийн цохиурын зэмсгүүдийг ашиглан хөгжмийн болон бүжгийн хөгжмийн бүтээлүүд хийгдэнэ.

Нэгэн зүйл. Ноён уулын булшнаас олдсон хивсийг анх удаа /9м*11м/ хэмжээтэйгээр тайзны хөшгөн бүтээл болгох, Хүннү гүрний бусад эд зүйлийг өргөн ашиглан тайзны чимэглэл хийгдэнэ.

Нэгэн зүйл. Уг бүтээлд ҮДБЭЧуулгын бүх уран бүтээлчид /150 хүн/, уран бүтээлийн бүтэн баг ажиллана. Тоглолтын Ерөнхий найруулагчаар ҮДБЭЧ-ын дэд захирал, найруулагч Н.Болд, Ерөнхий зураач МУСТА Д.Ганболд, Ерөнхий удирдаач МУСТА Р.Ганбат, Ерөнхий бүжиг дэглээч МУСТА Д.Баярбаатар, Хөгжмийн зохиолчид: МУУГЗ Б.Буянбаатар, МУСТА Д.Алтантуул, МУСТА Х.Алтангэрэл, МУСТА Д.Ариунболд, МУСТА В.Батзориг, И.Лхамрагчаа, Бүжиг дэглээчид: МУГЖ А.Даваахүү, Х.Хашхүү, Д.Энхгэрэл, Яруу найрагчид: И.Бавуудорж, МУСТА А.Шартолгой, Гүйцэтгэх зураачид Т.Түмэн-Өлзий, Б.Батболд нар ажиллав.



  • admin
  • 5 жил, 7 сар өмнө
  • 0 Сэтгэгдэл