Монгол бүжгийн гайхамшиг тоглолт
Энгийн ахуйгаас эрхэмсэг оршихуй хүртэлх үндэсний уламжлалыг бүжгийн урлагаар дамжуулан илэрхийлсэн хүн бол Төрийн шагналт, Ардын жүжигчин, Зууны манлай бүжиг дэглээч Цэрэндоржийн Сэвжид. Түүний туурвилыг гүйцэх бүтээл өнөө ч үгүй гэхэд хилсдэхгүй. “Адуучин залуус”-ын эрчтэй хуйлраа, “Хатад”-ын намбалаг төрх, “Монгол бүжгийн чуулбар”-т багтаасан олон үндэсний дэг жаягийг харж, үзэж байсан хүн бүр эдгээр бүжгийг мартахын аргагүй. Тиймээс Үндэсний дуу бүжгийн эрдмийн чуулгынхан тоглолтоо монгол бүжгээр жаргаадаг уламжлалтай.
Үзэгчдийг суудлаас нь босгож, сэтгэлийг нь хөвсөлзүүлдэг Монголын шилдэг бүжгүүдийг дээжлэн тус чуулгынхан 5 сарын 30,31-нд “Монгол бүжгийн гайхамшиг” тоглолт хийхээр болжээ.
Уг тоглолтонд Зууны манлай бүжиг дэглээч Ц.Сэвжидийн дэглэсэн “Монгол бүжгийн чуулбар”, “Хөдөө нутгийн залуус”, “Хатад”, “Ээрүүлт”, “Жалам хар”, “Охидын уянга”, “Адуучин залуус”, “Саальчин”, түүний хүү, Төрийн соёрхолт, бүжиг дэглээч С.Сүхбаатарын “Шигшрэгт”, “Тоохуу госон”, “Цоглог залуус”, “Чичиргэнэ”, “Халх жонон”, “Дөрвөн Ойрдын уриа”, “Монгол угсаатны уламжлал” зэрэг бүжиг тоглолтын цөм нь болох юм. Мөн бүжиг дэглээч Д.Баярбаатарын “Жороон жороо”, Монгол улсын гавьяат жүжигчин А.Даваахүүгийн “Салхит шувуун”, “Шилийн Богдын салхи” ч энэ тоглолтод багтаж буй.
Ахмад уран бүтээлч, “өвгөн багш”-ийнхаа урын санг өвлөн, дэг жаягийнх нь дагуу бүжиглэн уламжлуулж буйгаа харуулахаар Ц.Сэвжидийн нэрэмжит бүжиг ангийн 50 гаруй бүжигчин бэлтгэлээ базааж буй. Энэ үеэр залуу уран бүтээлчид ч бүжгээ сонирхуулах юм.
Тухайлбал, Х.Хашхүүгийн “Боржигон сугсраа” Д. Баярбаатарын Жороон жороо, МУГЖ.А.Даваахүү “Шилийн богдын салхи” гээд залуу бүжиг дэглээчдийн үндэсний гайхалтай бүжгийн үзэгч нь та байх боломжтой.
АНУ-ын Нью-Йорк хот дахь НҮБ-ын төв байр, Парис хот дахь ЮНЕСКО-гийн байранд ч эдгээр бүжгүүд хүрч, үггүйгээр үзэгчдийн сэтгэлийг хөгжөөж явсан юм. Тоглолт 5 сарын 30,31-17:00 цагт ҮДБЭЧуулгын тайзнаа 2 удаа тоглох юм.
ҮДБЭЧуулгын бүжиг алба
2015 оны 5 сарын 30,31-нд 17:00 цагт
“Монгол бүжгийн гайхамшиг” тоглолтын хөтөлбөр
| Зохиогчид
|
Уран бүтээл | Бүжигчид | |
| 1 | хөг. ТС,УГЗ,Э.Чойдог
дэг. ТШ, АЖ. Ц.Сэвжид |
Аягат | ҮДБЭЧуулгын бүжигчид |
| 2 | хөг. ТС,УГЗ Э.Чойдог
дэг. ТШ, АЖ. Ц.Сэвжид |
Хатад | ҮДБЭЧуулгын эмэгтэй бүжигчид |
| 3 | хөг. ТС. З.Хангал
дэг. СТА.Ч.Дамдин |
Эрчүүд | ҮДБЭЧуулгын эрэгтэй бүжигчид |
| 4 | хөг.ТС .УГЗ.Г.Цэрэндорж
дэг. ТШ.АЖ.Ц.Сэвжид |
Хөдөө нутгийн залуус | ҮДБЭЧуулгын бүжигчид |
| 5 | хөг.ХБ.ТС.АЖ. Д.Лувсаншарав
дэг. ТШ.АЖ . Ц.Сэвжид |
Саальчин | ҮДБЭЧуулгын эмэгтэй бүжигчид |
| 6 | хөг. ТС,УГЗ Э.Чойдог
дэг.ТШ.АЖ Ц.Сэвжид |
Жалам хар | ҮДБЭЧуулгын эрэгтэй бүжигчид |
| 7 | хөг. ТС,УГЗ Э.Чойдог
дэг. ТШ, АЖ. Ц.Сэвжид |
Сэргэлэн биелгээ | ҮДБЭЧуулгын бүжигчид |
| 8 | хөг.ТС .УГЗ.Г.Цэрэндорж
дэг. ТШ.АЖ.Ц.Сэвжид |
Ээрүүлт | ҮДБЭЧуулгын эмэгтэй бүжигчид |
| 9 | хөг. СТА. Д.Цогтсайхан
дэг. ТС, УГЗ С.Сүхбаатар |
Тоохуу госон | ҮДБЭЧуулгын бүжигчид |
| 10 | дэг. ТС.УГЗ. С.Сүхбаатар | Цаатан | ҮДБЭЧуулгын бүжигчид |
| 11 | хөг.УГЖ. Ж.Мэнд-Амар, УГЖ.М.Бадам
дэг. ТС, УГЗ. С.Сүхбаатар |
Чацуутан | ҮДБЭЧуулгын эрэгтэй бүжигчид |
| 12 | хөг. ТС.УГЗ Г.Цэрэндорж
дэг. ТШ.АЖ.Ц.Сэвжид |
Монгол бүжгийн чуулбар | ҮДБЭЧуулгын бүжигчид |
| II хэсэг | |||
| 1 | хөг. СТА. М.Бирваа
дэг. СТА. Д.Баярбаатар |
Хүннү дууль | ҮДБЭЧуулгын бүжигчид |
| 2 | хөг. УГЖ. С.Сүндэд
дэг. ТС.УГЗ. С.Сүхбаатар |
Халх жонон | ҮДБЭЧуулгын эмэгтэй бүжигчид |
| 3 | хөг. СТА.Б.Ганбат
дэг. СТА.Х.Хашхүү |
Боржигон сугсраа | ҮДБЭЧуулгын эрэгтэй бүжигчид |
| 4 | хөг.ХБ.ТС.АЖ. Д.Лувсаншарав дэг. ТС.УГЗ. С.Сүхбаатар |
Чичиргэнэ | ҮДБЭЧуулгын бүжигчид |
| 5 | Хөг. УГЖ.М.Бадам
дэг. ТС, УГЗ .С.Сүхбаатар |
Шигшрэгт | ҮДБЭЧуулгын эмэгтэй бүжигчид |
| 6 | Хөг.УГЖ. Ж.Мэнд-Амар, СТА.Р.Бат-Эрдэнэ
дэг. УГЖ. А.Даваахүү |
Шилийн богд | ҮДБЭЧуулгын эрэгтэй бүжигчид |
| 7 | Хөг. СТА.М.Бирваа
Дэг.УГЖ. А.Даваахүү |
Салхит шувуу | ҮДБЭЧуулгын бүжигчид |
| 8 | Хөг.СТА. М.Бирваа
дэг. СТА. Д.Баярбаатар |
Жороон жороо | ҮДБЭЧуулгын бүжигчид |
| 9 | Хөг. УГЖ. Л.Идэрбат
дэг. ТС.УГЗ.С.Сүхбаатар |
Цоглог залуус | ҮДБЭЧуулгын бүжигчид |
| 10 | хөг.ТС.АЖ. Ц.Намсрайжав
Дэг. ТШ.АЖ.Ц.Сэвжид |
Адуучин залуус | ҮДБЭЧуулгын бүжигчид |
| 11 | хөг.УГЖ. Ж.Мэнд-Амар
дэг. ТС.УГЗ. С.Сүхбаатар |
Монгол угсаатны уламжлал | ҮДБЭЧуулгын бүжигчид |
ҮДБЭЧ Маркетинг утас 11323954 89070887 88029354